يبحث العديد من الاشخاص عن خطوات تشطيبات الشقق وأفضل طريقة لتشطيب شقتك للحصول علي اعلي جودة باقل سعر وفي هذا المقال سنتناول نصائح للتشطيبات يجب علي كل مالك ان يلتزم بها في توضيب الشقق في مصر.
ما هي مراحل تشطيب الشقة؟
تشطيبات الشقق عبارة عن:- تأسيس وتشطيب اعمال السباكة والأدوات الصحية ومواد العزل للحمامات والمطابخ.
- تأسيس وتشطيب اعمال الكهرباء والتكييفات والوصلات الانترنت و التلفاز.
- تأسيس وتشطيب اعمال اللياسة وديكورات الجبس بورد او الجبس العادي المغربي على حسب التصميم المطلوب.
- تأسيس وتشطيب اعمال السيراميك او البورسلان او الباركية على حسب الأختيار.
- تأسيس وتشطيب اعمال الدهانات وديكورات الجدران من ورق حائط او ديكورات اخري.
- تركيب الأبواب المصفحة وفتحات الشبابيك واللوميتال من نوع pvc او غيرها من الخامات.
- ملحوظة هامة / أي باقة من الباقات سعر المتر الموضح، يشمل المصنعيات وشراء الأدوات والخامات مثل السيراميك وأدوات الكهرباء ومون الدهانات كل شىء الخ ...... الى تسليم الشقة على المفتاح.
- حاول تخطط لكل تفصيله قبل ماتبدأ شغل.
- ارسم فرش افتراضي للشقة عشان تقدر تحدد أماكن مخارج الكهربا و السباكة صح.
- المطبخ من أهم الفراغات في الشقة بلاش تضيق مساحته عشان توسع الريسبشن.
- حاول توسع المطبخ على قد ماتقدر.
- اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
- اهتم بالليفينج أكتر من الريسيبشن.
- مش لازم تجيب بوفيه و نيش.. الجزامة أهم.
- الدييب فريزر و المايكروويف أساسيات أكتر من الصيني اللي ماحدش بيستخدمه.
- لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
- البورسلين قطع الليزر في مصر أثبت فشله.. هات سيراميك نوع كويس أفضل.
- سيراميك الجوهرة أفضل من كليوباترا بمراحل.
- لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
- لو ما اخترتش البورسلين صح و ركبته صح هيفك من الأرض بعد سنتين.
- لو حابب تدلع شقتك ركب hdf في الغرف.. هتنبسط.
- لو مش حابب تدلع شقتك على الأقل ركب hdf في غرفة النوم.. صدقني هتنبسط.
- لو شقتك مجروحة من الجيران ماتنساش الستاير البلاك أوت.
- البراقع والبلتكنات اللي حماتك هتختارها دي بطلت من 15 سنة.
- الدهانات السبونج مش أحلى حاجة في الدنيا.
سؤال كم تاخذ مرحلة التشطيب؟
- كم مدة تشطيب شقة يحدد اختيارك مدة انتهاء مراحل التشطيب:
- مدة التشطيب تتوقف على عدة عوامل.
- اختيارك للشركة يوفر الوقت الكثير في التشطيب.
- اختيارك الاعتماد على شخصك أو صنايعي سيؤخر التشطيب.
- التخطيط بنفسك واختيار المناسب لكل مرحلة تشطيب يأخذ وقت وجهد كبير.
- التزام العمال وعددهم يؤثر على مدة التشطيب.
- تأخر تحضير وشراء الأدوات كاملة في وقتها يؤثر على المدة.
- مدة التشطيب قد تأخذ بضعة شهور.
- قد تصل المدة إلى سنة على حسب اختيارك ومدى الالتزام.
- ورق الحائط الـ 3d هايل بس ماتكترش منه.
- أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
- الشبابيك الألومينيوم عملية أكتر من الشبابيك الخشب.
- لو هتركب شبابيك ألومينيوم إختار أي قطاع غير قطاع السعد.
- الألومينيوم بيتدهن ألوان كتير غير البيج و الأوف وايت على فكرة.
- لو معاك فلوس ركب شاتر على الشبابيك الألومينيوم.
- غرفة النوم الرئيسية ركب للشباك بتاعها زجاج دبل.
- عدي النقطة اللي فاتت و مش لازم تعرف السبب.
- حاول في شقتك تكتر من إستخدام الخامات الطبيعية وتقلل الخامات الصناعية بتفرق كتير في الإحساس بالراحة.
- الشبابيك الجرار بتساعد على سهولة الفرش و لكن بتقلل الإضاءة و التهوية.
- الشبابيك المفصلية بتزود الإضاءة و التهوية بس هتصعب عليك الفرش.
- لو شقتك واسعة اعمل شبابيك مفصلي و لو ضيقة اعمل الشبابيك جرار.
- الشبابيك الـ pvc جميلة و بتعيش.
- لو شقتك في منطقة مقطوعة ركب كاميرات خارجية مابتتكلفش كتير على فكرة.
- معابر الأبواب مهمة عشان بتمنع الصوت والضوء والحشرات.
- إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
- خلي النجار يركبلك جوانات كاوتش لكل الأبواب عشان بتمنع التراب و الصوت.
- كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
- الجيبسوم بورد بيتعمل بيه حاجات كتير غير الأسقف على فكرة.
- الجيبسوم بورد حاجة أساسية بس تستخدمه صح لما تحتاجه.
- أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
- اهتم إنك تشتري شفاط محترم للمطبخ.
- الشفاط اللي بيركب فوق البوتاجاز شكله حلو و شيك وبس.
سؤال ما معنى تشطيب سوبر لوكس؟
تشطيب سوبر لوكس هو نوع من التشطيبات الداخلية الفاخرة والمتميزة، ويتميز بالتفاصيل الراقية والتشطيبات العالية الجودة التي تلبي احتياجات العملاء الأكثر تطلبًا. يشمل هذا التشطيب استخدام أفضل المواد والتقنيات في عملية التشطيب، ويضمن لك الاستدامة والمتانة الطويلة الأمد للتشطيبات. يعمل تشطيب سوبر لوكس على تعزيز قيمة المساكن وتوفر بيئة حياة مريحة وأنيقة.
- ماتركبش في الأرضيات السيراميك المستطيل اللي شبه الباركية عشان بيقوس و بيجير.
- لو عاجبك السيراميك اللي شبه الباركية ركب hdf هتتبسط صدقني.
- اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
- اعمل حسابك لتأسيس التكييف حتى لو مش هتشتري تكيييف.
- بلاش دهانات مط و بلاش دهانات لامع و النص لمعة أو الربع لمعة أشيك بكتير.
- آخر صيحة في الديكورات حالياً هي الأسقف السترتش اللامعة.
- لو عاوز تدلع مكان معين في شقتك ممكن تعمل ديكورات بـ CNC.
- اختار كل حاجة قبل ماتبدأ تنفيذ أي حاجة دي قاعدة أساسية.
- أسس اسكيب و شطب جوتن ده في الدهانات.
- مافيش أشيك ولا أرقى من الدهانات السادة بس تختار الألوان صح.
- بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
- أي حاجة مط بيبان عليها التراب.. لازم تبقى عارف ده كويس.
- لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
- القاعدة الذهبية في إختيار أكر و كوالين الأبواب "الغالي رخيص".
- القاعدة اللي فاتت دي برضه تنطبق على الخلاطات و الإكسسوار و النواكل.
- الزجاج العاكس للشبابيك بيحجب 50% من الإضاءة.
- الزجاج العاكس للشبابيك بيعكس الصبح بس مابيعكسش بالليل.
ما الفرق بين التشطيب اللوكس والسوبر لوكس؟
تشطيب سوبر لوكس هو نوع من التشطيبات الداخلية الفاخرة والمتميزة، ويتميز بالتفاصيل الراقية والتشطيبات العالية الجودة التي تلبي احتياجات العملاء الأكثر تطلبًا. يشمل هذا التشطيب استخدام أفضل المواد والتقنيات في عملية التشطيب، ويضمن لك الاستدامة والمتانة الطويلة الأمد للتشطيبات.
يعمل تشطيب سوبر لوكس على تعزيز قيمة المساكن وتوفر بيئة حياة مريحة وأنيقة، تشطيب لوكس هو نوع من التشطيبات الداخلية المتميزة، وهو أقل فخامة من تشطيب سوبر لوكس. يستخدم هذا التشطيب مواد ذات جودة عالية، ولكنها أقل فخامة من تلك المستخدمة في تشطيب سوبر لوكس.
يتضمن هذا التشطيب استخدام مواد مثل الرخام والجرانيت والأخشاب الفاخرة، والدهانات ذات الجودة العالية، والأضواء المصممة خصيصًا، وغيرها من التفاصيل المماثلة.
طرق اختيار الوان السجاد والستاير والمفروشات للشقة بطريقة صحيحة:ألوان السجاد، ألوان الستاير، ألوان الفرش، ألوان الأبواب والشبابيك، ألوان الموبيليا، ألوان دهانات الحوائط والأسقف، ألوان الإكسسورات والأنتيكات و التحف و الصور والبراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
- حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
- لو هتجيب سخان كهرباء هات سعته كبيرة.
- السخان الفوري مناسب بس في المطبخ لأنه بيستهلك كهرباء كتير.
- في تأسيس الكهرباء ماتشتغلش غير بسلك السويدي الأصلي.
- في تأسيس السباكة مواسير التغذية أكواثيرم أو باننجر و مواسير الصرف الشريف.
- رخامة المطبخ هاتها جرانيت مش رخام.
- الأحواض و القاعدة المعلقة بيدوا وسع للحمام و أسهل في النضافة.
- إشتري الخلاطات و الصيني و النواكل للحمام و المطبخ قبل ما السباك يأسس.
- لو بياض المحارة وحش و فيه مطبات أو شرخ حاول تعالجه قبل الدهانات.
- لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
- وانت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
- لو مش هتركب باب مصفح لباب الشقة يبقى يفضل تعمل باب حديد حماية.
- ماتنساش تركب سلك لكل الشبابيك عشان الحشرات.
- السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
- لو عندك غرفة أطفال ادهنها لون يمشي أولادي أو بناتي.
- قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
- إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
- قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
- بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
- البيبة في المطبخ حلوة عشان التنضيف و وحشة عشان الحشرات و الروائح و السدد.
- الكرانيش الجاهزة من فيوتك أفضل 100 مرة من الجبس البلدي.
سؤال ما هو نصف تشطيب؟
الجواب هو يعتبر الشقة نصف التشطيب هو نوع من التشطيبات الداخلية التي تتضمن الأعمال الأساسية مثل الكهرباء والسباكة والصرف الصحي والنجارة والإنارة والمحارة ويتم ترك بعض الأعمال الداخلية غير المهمة للعميل ليتم إنجازها في وقت لاحق. يتم تركيب الأرضيات والدهانات والأضواء في وقت لاحق، ويتم تسليم الشقة بحالة جيدة للعيش فيها.
- بلاش أباجورة جنب السرير ركب 2 أبليك على الحيطة أجمل و أشيك.
- إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
- بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
- الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
- خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
ركب فلتر في المطبخ عشان مية الشرب في مصر غير صالحة للشرب لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
- لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
- إعزل الحمام و المطبخ عزل أسمنتي أسهل و أفضل و أرخص.
- بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
- ماتساش تركب منشر في مكان بيوصله شمس عشان مهم.
- لو شقتك راكب فيها أبواب وحشة و مش معاك فلوس تغيرها ركبلها وشوشMDF.
- لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
- الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
- اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
- لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 2000 ج أو 2500 ج أو 3000 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
- لو جبت مهندس شاطر ومحترم و أمين يشطبلك الشقة هتشتري دماغك و توفر وقت و فلوس.
سؤال كم تكلفة التشطيب بالمتر في مصر؟
يختلف سعر التشطيب بالمتر في مصر بحسب نوعية التشطيب ومستوى الفخامة المطلوب، وكذلك حسب مقاول التشطيب المختار. وفقًا لمصادر موثوقة، يتراوح سعر التشطيب بالمتر في مصر بين 2000 جنيهًا و 5000 جنيهًا ومن المهم الإشارة إلى أن هذه الأسعار تختلف بحسب نوعية التشطيب المطلوب، فالتشطيب الفاخر يكون أغلى من التشطيب العادي.
وبعد أن تعرّفنا على خطوات تشطيب الشقق وخاصةً اسعار تشطيب شقق في مصر وأفضل أسعار باقات التشطيب التي نقدمها، اتصل بنا أو أرسل رسالة على الواتساب الآن مع خدمة عملاء قلعة الديكور للتشطيبات و الديكورات المنزلية يمكنها مساعدتك في تصميم وتشطيب منزلك المثالي بأجود الخامات وبأفضل المهندسين والعمال وبأفضل أسعار في مصر.
شركة قلعة الديكور للتصميم الداخلي والتشطيبات المعمارية، مكتبنا بيوفر 6 باقات تشطيب سوبر لوكس فاخر تسليم على المفتاح بأشراف هندسي متكامل مع مهندسين ومصممين محترفين، متخصصين في الهندسة المعمارية والتصميم الداخلي والديكورات بجميع أنواعها على الطراز المودرن والكلاسيكي الفاخر ونيو كلاسيك والبوهيمي أيضا، لدينا مصممين مختصة في AutoCAD, 3D Max, and background designs in Photoshop.
نعمل في جميع محافظات مصر التجمع الخامس والأول وتشطيبات شقق في الشيخ زايد واكتوبر وكمبوندات مدينتي نعمل على التشطيبات المتكاملة والتجديدات وتأهيل الشقق القديمة والفلل أيضا، بأعلى جودة وأفضل الخامات المتاحة في السوق المصري، للاستفسار يرجى التواصل على رقم خدمة عملاء الشركة لطلب معاينة لشقتك أو وحدتك السكنية، هيا أتصل الأن على واتساب او فون على الأرقام التالية وسنصلك أينما كنت: 01061472031 - 01220943062.
إذا كان لديك اي إستفسار أترك تعليق بالأسفل وسوف نقوم بالرد عليك فى أقرب وقت ممكن!